« Pwogram Pèp la », kaye revandikasyon òganizasyon peyizan yo
| Posté le jeudi 25 juin 2015 |
Òganizasyon peyizan nan 8 komin ki chita nan 5 depatman peyi a mete ansanm pou ekri dokiman sa a ki pote non « Pwogram Pèp la ». Se yon zouti li ye nan men òganizasyon peyizan yo, pou kontinye fè travay louvri je a bò kote mas peyizan yo. Se yon zouti pou fè deba kat je kontre avèk kandida yo.
Se pa sèlman peyizan ki kapab sèvi ak dokiman sa a. Nan vil yo tou, li kapab sèvi pou fè menm travay lapiske anpil revandikasyon ki ladan, se revandikasyon aktè ki nan vil yo tou, sitou aktè nan katye popilè yo. Kidonk, kaye sa a, se yon zouti enpòtan. Ann kenbe l fò.
Piblikasyon ofisyèl « Pwogram Pèp la » a ap fèt 1e jiyè nan Pòtoprens.
