Envite : Vanessa Jeudi (Fòmasyon nan Sikoloji, Militant feminis, Atis…)
Prezantasyon : Wisvel Mondélice
Mizik : Kebert Bastien, Awozam
Pwodiksyon : Sosyete Animasyon ak Kominikasyon Sosyal (SAKS)
Envite : Yves Michel Thomas (Istoryen, Chèf pwojè nan enjeniri dokimantè ak jesyon konesans [Conservatoire National des Arts et Métiers-Paris])
Prezantasyon : Wisvel Mondélice
Mizik : Kebert Bastien, Awozam
Pwodiksyon : Sosyete Animasyon ak Kominikasyon Sosyal (SAKS)
Envite : Dérinx Petit-Jean [Istoryen, Pwofesè]
Prezantasyon : Wisvel Mondélice
Mizik : Kebert Bastien, Beethova Obas, Awozam
Pwodiksyon : Sosyete Animasyon ak Kominikasyon Sosyal (SAKS)
Envite : Ilionor Louis, Sosyològ, pwofesè, Direktè « Centre Égalité »
Prezantasyon : Wisvel Mondélice
Mizik : Kebert Bastien, Awozam, Beethova Obas
Pwodiksyon : Sosyete Animasyon ak Kominikasyon Sosyal (SAKS)
Delma, 8 jiyè 2023
Nou menm òganizasyon ak regwoupman òganizasyon ki siyen deklarasyon sa a, nou te reyini 7 ak 8 jiyè 2023 nan Dèlma nan yon atelye ki t ap reflechi sou patisipasyon mouvman sosyal ak popilè yo nan politik peyi a, sou gwo defi pèp ayisyen ap viv nan konjonkti jounen jodi a epi sou estrateji pou nou refè eskanp figi peyi a.
Atelye refleksyon sa a te reyalize nan kad inisyativ ki pote non Inivèsite popilè ki fèt anba kòdinasyon Enstiti Kiltirèl Kal Levèk (ICKL), Enstiti Teknoloji ak Animasyon (ITECA), Pwogram pou yon Altènativ Jistis (PAJ), Platfòm Ayisyen k ap fè Pledwaye pou yon Devlopman Altènatif (PAPDA), Sosyete Animasyon ak Kominikasyon Sosyal (SAKS) ak Solidarite Fanm Ayisyèn (SOFA).
Pandan 2 jounen travay sa yo, nou reflechi sou nesesite yon pi bon maryaj ant batay mouvman sosyal ak popilè yo ap mennen nan diferan domèn aktivite. Nou te analize rapò istorik òganizasyon sosyal ak politik pwogresis yo devlope ak leta epi reflechi sou nesesite pou fòs pwogresis yo defini estrateji tèt ansanm pou yo patisipe plis nan lavi politik peyi a pou kontribye nan konstwi yon leta ki ka garanti enfrastrikti ak sèvis ki pèmèt tout moun viv nan diyite.
Nou ap atire atansyon pèp ayisyen an sou danje ki pandye sou peyi a akoz pwojè ekonomik yon seri enstitisyon finansye entènasyonal, gwo antrepriz entènasyonal ak yon seri leta dominan prepare pou aplike Ayiti. Se yon pwojè ki chita sou dappiyanp sou tè agrikòl peyi a pou konstwi zòn franch epi piye min ki anba tè a san okenn konsiderasyon pou anviwònman an ak lavi moun. Pou pèp ayisyen an bloke pwojè sa a, pou li tabli yon lòt pwojè selon bezwen peyi a apati kapasite peyi a, mouvman sosyal ak popilè yo dwe kreye kondisyon pou patisipe aktivman nan lavi politik peyi a. Pou sa, fòk pèp ayisyen an goumen pou chanje kalite eleksyon ki ap òganize nan peyi a. Fòk nou tabli yon gouvènman tranzisyon koupe fache ki lejitim epi ki enspire konfyans, fòk nou evalye epi redefini sistèm elektoral la, tabli sekirite nan peyi a. Mezi sa yo se kondisyon minimal pou nou anpeche peyi a kontinye plonje nan kriz ak banditis.
Nan sans sa, nou pran angajman pou nou kontinye travay ansanm epi kontre lòt òganizasyon pwogresis pou konstwi yon gwo fòs ki genyen ase lejitimite pou bloke pwojè ekonomik danjere ki ap deplòtonnen nan peyi a epi kreye kondisyon politik pou nou konstwi yon pwojè altènatif. Pwojè altènatif sa a dwe chita sou dwa grandèt majè pèp ayisyen an nan desizyon politik li ap pran, nan deside kisa li ap pwodui pou li manje epi satisfè lòt bezwen fondamantal li, yon pwojè ki kadre ak dimansyon listwa peyi a, yon pwojè ki ka kore inisyativ ekonomi sosyal solidè mouvman sosyal popilè yo ap devlope nan kat kwen peyi a epi ki garanti aksè byen ak sèvis piblik pou tout moun.
Viv yon peyi ki granmoun tèt li !
Aba okipasyon ak dominasyon etranje !
Viv bonjan inite nan kan pèp la !
Òganizasyon ki te patisipe nan atelye a Sèk Gramsci Konbit Pou Yon Lojman Altènatif (KAYLA) Kolektif Jistis Min (KJM) Pati Rasin Kan Pèp La (RASIN) Sèk Janil Lwijis Antèn Ouvriye MPNKP / Branch lwès Fòs Popilè Laplèn (FPL) Unnion Nationale des Normaliens /nes D’Haiti (UNNOH) Rezo Òganizasyon Bèlfontèn (ROB) Mouvement de Liberté, d’Egalité des Haïtiens pour la Fraternité (MOLEGHAF) Konbit Oganizasyon Politik, Sendikal ak Popilè (KONBIT)
Pou konfimasyon Ricardo Boucher / MOLEGHAF / 4085 9164 Péguy Noël / UNNOH / 47394987 Fabiola Jose Josera / MPNKP / 4431 6046 Patrick Joseph / Konbit Òganizasyon Politik Sendikal ak Popilè / 4747 3902 Nobert Bedouby / Sèk Janil / 4403 7118
Nou menm, òganizasyon ak mouvman peyizan, òganizasyon fanm, òganizasyon popilè, òganizasyon politik, ak òganizasyon jèn nan 5 depatman ki nan gran Nò peyi a, nou reyini nan dat 24 ak 25 jen 2023, nan lokalite Papay, ki nan twazyèm seksyon Agwayedyonn, komin Ench (nan Sant Nasyonal Fòmasyon kad peyizan), pou nou twoke lide sou tèm « Mwayen patisipasyon sitwayen yo nan politik peyi a : teren batay ak rapò fòs ». Pataj eksperyans ak brase lide sa fèt nan kad Inivèsite popilè a ki se yon espas refleksyon ak atikilasyon ki anba kòdinasyon ICKL, ITECA, PAPDA, SAKS, PAJ ak SOFA. Pandan 2 jou sa yo, gen plis pase 20 òganizasyon ak rezo òganizasyon ki soti nan 5 depatman nan rejyon gran Nò a ki te prezan nan rankont sa. Nan kad atelye sa, inivèsite a te tou pwofite manifeste solidarite l ak Mouvman Peyizan Papay (MPP) k ap selebre 50 lane egzistans li. Nou rive pataje eksperyans sou lit revandikatif nou abitye mennen yo, sou koze eleksyon nan peyi a ak sou inisyativ ekonomi sosyal ak solidè peyizan yo ap mennen sou teren an pou kreye altènativ fas ak modèl ekonomi kapitalis dechèpiyè a.
Ansanm pataj eksperyans ak refleksyon nou fè yo pèmèt nou konstate :
1) Mafya lokal ak entènasyonal, ap sèvi ak bandi ak sapat pou fè dappiyanp sou tè peyizan yo nan plizyè depatman nan peyi a, patikilyèman nan rejyon gran Nò a pou fè zòn franch, agwo endistri, eksplwatasyon min ak lòt ankò.
2) Malgre sanksyon k ap pran kont patwon gang yo, zam ak minisyon kontinye soti pa pil ak pa pakèt pou vin jwenn bandi ak sapat k ap fè peyizan yo monte lesyèl pa do.
3) Anpil tantativ ap fèt pou kriminalize batay òganizasyon popilè revandikatif yo, yon fason pou kontinye ak rejim piyajè bandi legal yo, ak sistèm peze souse a k ap pwodui esklizyon ak majinalizasyon.
4) Gen obligasyon pou òganizasyon pwogresis yo ak pati politik lagoch konsekan yo marande fòs yo ansanm pou wete peyi a anba grif mafya lokal ak entènasyonal yo atravè batay ak altènativ n ap devlope toupatou nan peyi a.
Nou denonse ak tout fòs nou, dappiyanp k ap fèt sou tè peyizan yo nan gran Nò a, sitou nan Prevwayans, Plenn Maribawo, Pitobè, Limonad, Sen Michèl Latalay, Papay (Ench), nan tout Nòdwès la ak Latibonit. Nou pote solidarite nou ak tout peyizan (fanm tankou gason) ki kontinye viktim nan batay pou defann tè agrikòl yo, kont eksplwatayon min nan tout peyi a. Se pou sa, nou pran angajman pou nou pote kole nan tout inisyativ mobilizasyon pou defann yon modèl agrikilti peyizan familyal agwoekolojik, kote tè agrikòl dwe rete nan men peyizan k ap travay tè pou defann dwa granmoun peyi a nan zafè lamanjay.
Nou denonse enperyalis ameriken, boujwa ak politisyen san lanvè san landwat ki kontinye ap debake zam ak minisyon bay bandi pou kontinye kenbe peyi a ak richès li yo anba grif yo, yon fason pou kenbe peyi a toujou nan depandans epi detwi tout posiblite pou konstwi yon peyi granmoun.
Nou pran angajman pou nou kontinye batay pou wete peyi a nan sitiyasyon malouk « kominote entènasyonal » la, boujwa ak politisyen kriminèl, bandi legal yo mete l la.
Nou pwofite okazyon sa a pou nou voye yon gwo kout chapo pou popilasyon an nan divès zòn nan peyi a ki leve kanpe pou dechouke gang ak sapat yo. Nou mande popilasyon nan kat kwen peyi a ak nan dyaspora a, kontinye leve kanpe pou dechouke gang ki nan boujwazi a ak nan tèt leta a ki mare sosis yo ak gang ak sapat yo.
Nou deside marande fòs nou pou nou patisipe nan konstriksyon fòs nesesè pou rive mete anplas yon modèl Leta popilè ki soti nan matris popilasyon an e ki ap sèvi yon garanti pou mete anplas mekanis nesesè pou peyi a rejwenn souverènte ak endepandans li.
Òganizasyon ki siyen deklarasyon sa a
Plato Santral – Mouvman Peyizan Papay (MPP)
Mouvman pou Ranmase Chalmay Peralt ak Benwa Batravil (MRCPBB)
Latibonit – Blòk Politik Chimen klere
Konbit Tanbou Pale Mouvman Inite Ti Peyizan Ayisyen (MITPA)
Mouvman Revandikatif Peyizan San Tè (MRPST)
Mouvman Revolisyonè pou Liberasyon Mas yo (MORELIM)
Solidarite Fanm Ayisyen (SOFA) – branch Latibonit
Tèt Kole Ti Peyizan Ayisyen (TK)
Nò – Asosyasyon Fanm Limonad pou Devlopman Pwodiksyon Agrikòl ak Atizana (AFLIDEPA-J)
Federasyon Demokratik Katye Moren (FEMODEK)
Inisyativ Patriyòt Maryen (IPAM)
Mouvman Oganizasyon pou Desantralizasyon ak Devlopman Nò ak Nòdès (MODOD)
Mouvman Oganizasyon Peyizan Plezans (MOPP)
Nòdwès – Altènativ Sosyalis (ASO)
Fwon Patriyotik Popilè (FPP)
Rezo Oganizasyon Nòdwès (R.O.N)
Nòdès – Inyon Koperativ Pwodiktè Kakawo Nòdès (IKOPKANE)
Kòdinasyon Rezistans Popilè Nòdès (KRPN)
Mouvman Oganizasyon Peyizan pou Defann Enterè Savanolèt (MOPDES)
Mouvman Peyizan Nasyonal Kongrè Papay (MPNKP)
Sant pou Kilti ak Devlopman Karis (SKDK)
Pou otantifikasyon
Astride NOEL, MOPDES, Depatman Nòdès, +5094818-4391
Junior JEUNE, IPAM, Depatman Nò, +5093218-2937
Kerby JOSEPH, FPP, Depatman Nòdwès, +509 4159-5939
André CEUS, MRPST, Depatman Latibonit, +5094163-4516
Edmond MATHIIEU, MPP, Depatman Sant, +5093393-7282
Prévoyance, Savane-au-lait, (Ouanaminthe), 8 juin 2023
Nous, organisations et mouvements sociaux et populaires, organisations paysannes, organisations féministes, organisations de droits humains, venant des 10 départements du pays, réunies les 8 et 9 juin 2023 à Prévoyance, à l’initiative du Mouvman Peyizan pou Defann Enterè Savanolèt (MOPDES), et Kòdinasyon Peyizan Seksyon Kominal Ba Maribawo (KPSKBM), afin de réfléchir sur la situation générale du pays, notamment sur la nécessité de soutenir la lutte des petits.es paysans.nes en lutte pour la défense de leur droit à la vie, l’accès aux terres agricoles, la dignité de leur famille et de leur communauté face aux ennemis des paysans qui veulent détruire toutes les bases garantissant la vie dans leur communauté.
Nous exprimons notre pleine et entière solidarité avec les familles victimes de la grande inondation du 3 juin 2023, tuant des personnes, détruisant des maisons et des champs et emportant beaucoup de têtes de bétails. Deux (2) jours plus tard, un séisme a affecté la population de la ville de Jérémie et a causé d’importants dégâts. Nous nous tiendrons debout et fermes aux côtés de toutes les familles et communautés victimes. Nous leur manifestons toute notre solidarité agissante afin qu’elles recommencent à travailler et récupèrent ce qu’elles ont perdu dans cette double catastrophe. Rappelons que le changement climatique est le résultat du pillage et de l’exploitation orchestrés par le système capitaliste qui détruit la nature, pillant les richesses collectives des Peuples afin de gagner beaucoup plus d’argent sur la force des travailleurs et travailleuses. Les organisations progressistes du pays doivent mettre en place un plan spécial pour faire face au changement climatique afin que nous puissions continuer à produire de la richesse et défendre la vie dans de bonnes conditions. Le système capitaliste (système d’exclusion, de marginalisation, d’exploitation) devient de plus en plus vorace et nous affame pendant qu’il engrange des milliards de dollars de profit chaque jour.
Nous saluons la grande résistance du Peuple Haïtien aux quatre coins du pays face aux assauts répétés (massacres, assassinats, pillages, incendies de maisons, enlèvements, viols, accaparements de terres, arrestations illégales et diverses formes de répression), des oligarques, des forces impérialistes et de leurs alliés politiques depuis de nombreuses années pour bloquer ses revendications et le processus d’organisation des classes populaires. Nous constatons, avec encouragement depuis le 24 avril 2023, une nouvelle forme de résistance qui commence à neutraliser « les forces de mort » dans plusieurs régions du pays.
Nous unissons nos forces, dans le cadre de la grande mobilisation des forces sociales, populaires et particulièrement paysannes, à Prévoyance, pour réaffirmer le leit motiv de nos luttes : les terres agricoles appartiennent aux paysans.nes qui les mettent en valeur pour produire de la richesse, assurant la souveraineté alimentaire, protéger l’environnement et la biodiversité, pour défendre la vie.
Nous unissons nos voix pour dénoncer les accaparements des terres des paysans.nes et l’orientation des politiques gouvernementales visant à expulser les paysans.nes pour favoriser le développement du capitalisme à travers l’installation de zones franches, l’extraction minière, des projets touristiques et l’agrobusiness (la monoculture). Les autorités de l’État se rendent complices par omission, et/ou par actions en créant les conditions pour que les bandes armées puissent s’attaquer aux paysans.nes à travers tout le pays. Dans diverses communautés telles que Limonade (Nord), Papaye (Centre), Saint-Michel-de-L’Attalaye, Montrouis (Artibonite), Pitobert, Plaine de Maribahoux, Prévoyance (Ouanaminthe), des gangs sont utilisés pour chasser les paysans.nes et voler leurs terres. Les autorités étatiques (politiques et judiciaires) utilisent tous les mécanismes, en particulier des « bandits légaux » armés pour expulser les paysans.nes de leurs terres.
Nous dénonçons avec la plus grande force les actes de beaucoup d’autorités judiciaires, policières, politiques, en collaboration avec des bandits armés (tels que Estime SAINT-JUSTE, Henry-Claude NELSON…) dans le département du Nord-Est qui persécutent, violente et chassent, emprisonnent illégalement les paysans.nes, en vue de s’accaparer de leurs terres agricoles qu’ils/elles cultivent depuis plus de 86 ans, sur la base d’une décision de l’État établissant les colonies agricoles.
Nous dénonçons le gouvernement haïtien, en particulier le régime du PHTK, jusque dans sa 4ème version, à travers le Premier ministre de facto Ariel Henry, et tous ses alliés qui mettent en œuvre des politiques anti-paysannes et antipopulaires, soutenant les capitalistes, les politiciens corrompus et les gangs afin de chasser les paysans.nes sur les terres agricoles, de manière à détruire la production nationale, la biodiversité du pays et toute sa capacité à réaliser sa souveraineté alimentaire.
Nous réaffirmons notre ferme volonté de poursuivre inlassablement le combat pour la souveraineté alimentaire du Peuple haïtien, pour un modèle d’agriculture paysanne familiale agro-écologique, pour une réforme agraire populaire globale et l’application de la Déclaration des Nations Unies sur les droits des paysans (femmes et hommes) et toutes les personnes vivant dans les zones rurales (UNDROP), pour la prise en compte du Cahier National de revendications paysannes. Nous réitérons notre ferme volonté de poursuivre le combat pour la reconnaissance de l’énorme contribution de la femme paysanne haïtienne dans le processus de production au niveau national.
Nous nous engageons maintenir allumer la flamme de la mobilisation à travers tout le pays, notamment dans le Nord, le Nord-Est, le Plateau Central, l’Artibonite, (surtout à Saint-Michel-de-l’Attalaye, à Piâtre), etc. où les paysans.nes subissent toutes sortes de violences parce qu’ils/elles défendent leur terre, source de leur vie.
Nous, organisations signataires de cette déclaration, décidons de faire face à ces attaques et de défendre le droit des paysans.nes à avoir accès à la terre pour continuer à protéger la vie, la nature.
Nous exigeons la libération immédiate et inconditionnelle de nos camarades emprisonnés illégalement dans le Nord-est jusqu’à aujourd’hui encore, après que des bandits armés menés par Estime SAINT-JUSTE (ancien vice-délégué du PHTK) les aient kidnappés et emmenés de force au commissariat de Ouanaminthe, puis conduits à Fort-Liberté. Leur seul péché et de continuer à défendre leur propriété, garantie par le décret de septembre 1939, établissant les colonies agricoles, comme mesure humanitaire de l’Etat pour reloger les victimes du massacre de 1937) et d’autres régions comme Pitobert (la Plaine de Maribahoux). Ils doivent être libérés sans délai et leurs familles doivent être indemnisées pour toutes les injustices et préjudices qui leur sont causés.
Nous décidons de continuer à lutter contre l’exploitation minière, à travers notre campagne KANPE MIN, afin de créer un cadre favorable au développement de l’agriculture paysanne familiale agroécologique, et protéger la vie et les espaces de travail dans les communautés.
Nous demandons à l’INARA d’assumer ses responsabilités en mettant en œuvre toutes les décisions prises au cours des dernières années en faveur des paysans.nes pour garantir leurs droits sur les terres qu’ils/elles occupent, que ce soit dans les colonies agricoles, ou dans le cadre du processus de réforme agraire.
Nous nous engageons à mettre tout en œuvre afin de forcer l’État haïtien à élaborer et mettre en application des politiques publiques adéquates prenant en compte toutes les revendications des paysans.nes inscrites dans le Cahier National de Revendications Paysannes, un outil de la lutte paysanne en Haïti.
Les organisations et institutions participant à ces 2 journées de mobilisation s’engagent à participer à toutes les mobilisations et initiatives qui seront prises par MOPDES, KPSKBM, Tet Kole Ti Peyizan Ayisyen, MPP, et autres acteurs et actrices dans les régions du Nord, du Nord-Est et du Plateau Central, et partout où les paysans.nes luttent sans répit pour la satisfaction de leurs revendications.
Vive la lutte des paysans.nes à Prévoyance et tous.tes ceux.celles subissant des actes de violence,d’oppression et d’accaparement !
Non aux zones franches ! Non à l’exploitation minière !
Vive la solidarité entre toutes les organisations, prêtes à défendre le droit des travailleurs.euses paysans.nes à l’accès à la terre et tous les autres droits dont ils/elles disposent !
Vive la lutte pour un changement radical dans le pays !
Vive l’agriculture paysanne familiale agroécologique !
La justice climatique doit se réaliser dès maintenant !
Vive Haïti !
Organisations signataires de cette déclaration :
Mouvman Peyizan pou Defann Enterè Savanolèt (MOPDES)
Kòdinasyon Peyizan Seksyon Kominal Ba-Maribawo (KPSKBM)
Platfòm Ayisyen k ap Plede pou yon Devlòpman Altènatif (PAPDA)
Tèt Kole Ti Peyizan Ayisyen (TK)
Mouvman Peyizan Papay (MPP)
Solidarite Fanm Ayisyen (SOFA)
Kolektif Jistis Min (KJM)
Plateforme des Organisations de Défense des Droits Humains (POHDH)
Sosyete Animasyon ak Kominikasyon Sosyal (SAKS)
Institut Culturel Karl Lévêque (ICKL)
Pour authentification :
Wilnaire DESARMES, MOPDES (+509 3316-0070)
Guillaume Antoinéus JOSAPHAT, KPSKBM (+509 4358-9299)
Tania MERILIEN, SOFA (+509 3849-2692)
Camille CHALMERS, PAPDA (+509 3837-1899)
Origène LOUIS, TK (+509 3786-8573)
Savanolèt, Prevwayans (Wanament), 8 jen 2023
Nou menm divès òganizasyon sosyal ki sòti nan 10 depatman peyi a, nou reyini jou ki 8 ak 9 jen 2023 nan Prevwayans, anba envitasyon òganizasyon ak mouvman peyizan nan rejyon Nò ak Nòdès, anba lobedyans Mouvman Peyizan pou Defann Enterè Savanolèt (MOPDES), Kòdinasyon Peyizan Seksyon Kominal Ba Maribawo (KPSKBM), pou nou reflechi sou sitiyasyon peyi a espesyalman sou nesesite pou kore batay ti peyizan Prevwayans yo ap mennen pou defann dwa yo genyen pou yo viv, pou yo jwenn tè pou yo travay epi defann diyite fanmi yo ak kominote yo anfas tout malfini ki vle detwi lavi nan lokalite sa a.
Nou wete chapo nou tou pou salye plizyè milye fanmi ki sot frape anba gwo inondasyon 3 jen 2023 pase a, ki touye moun, kraze kay, detwi jaden, pote bèt ale. 2 jou apre yon goudougoudou frape popilasyon an nan vil Jeremi epi fè gwo dega. N ap di tout fanmi ak kominote ki viktim yo n ap kanpe avèk yo. N ap pote solidarite nou kapab pou yo reprann travay ak rekipere sa yo pèdi nan 2 katastwòf sa yo. N ap raple chanjman nan klima a se rezilta piyaj ak dappiyanp sistèm kapitalis k ap detwi lanati, k ap piye richès kolektif Pèp pou yo ka fè plis lajan posib sou do travayè. Tout òganizasyon pwogresis nan peyi a dwe bati yon plan espesyal pou nou kanpe anfas chanjman klimatik la pou nou ka kontinye pwodwi richès epi defann lavi nan bonjan kondisyon. Sistèm kapitalis peze souse a ap vin pi voras chak jou e l ap lage nou nan grangou pandan lap fè plizyè milya dola vèt chak jou kòm pwofi.
Nou wete chapo nou yon lòt fwa pou salye gwo rezistans Pèp ayisyen nan 4 kwen peyi a ap fè fas ak gwo frap (masak, piyaj, boule moun tou vivan, boule kay, kidnaping, vyòl, vòlè tè, arestasyon ilegal ak yon latriye fòm represyon) gwoup oligachi a ak fòs enperyalis yo ak alye politik yo enstale nan peyi a depi plizyè lane pou bloke revandikasyon ak pwosesis òganizasyon klas popilè yo. Nou kontan wè depi 24 avril 2023 gen yon nouvo enèji nan rezistans la ki koumanse netralize fòs lanmò yo nan plizyè rejyon nan peyi a.
Nou reyini jodi a, e n ap gonfle fòs nou, nan kad gwo mobilizasyon peyizan (fanm kou gason) nan tout peyi a, ki vin nan Prevwayans pou nou di Tè agrikòl dwe rete nan men peyizan k ap travay latè epi ki itilize richès pwodiksyon an pou defann lavi.
Nou reyini e nou gonfle fòs nou pou pouse yon gwo rèl anfas dappiyanp kap fèt sou tè peyizan ak preparasyon kap fèt pou pran tè yo nan men peyizan yo pou fè zòn franch, eksplwate min, fè pwojè touristik, fè pwodiksyon agrikòl pou ekspòtasyon. Otorite Leta yo pa di anyen sou zak dappiyanp ilegal kap fèt yo epi nan anpil ka yo konplis kote yo kore epi yo patisipe nan sitiyasyon sa yo. Nan plizyè kote tankou sa ap pase nan Limonad, Pitobè, Papay, Sen Michel Latalay, Monwi (Pyat) Prevwayans, ak divès lòt kote yo itilize gang pou chase peyizan yo epi vòlò tè yo. Otorite Leta (politik, tankou lajistis) ap itilize tout kalte fòm, sitou bandi legal ki gen zam nan men yo pou rive mete peyizan deyò sou tè yo.
N ap denonse ak tout fòs nou anpil otorite nan lajistis, nan lapolis, politisyen ak bandi ak zam (tankou Estime Saint-Juste, Henry-Claude Nelson ak lòt) nan Nòdès ki mete tèt yo ansanm pou pèsekite peyizan, mete yo nan mawon, yon fason pou yo ka vòlè tè agrikòl kote y ap travay depi plis pase 86 lane, sou baz desizyon Leta ki garanti dwa yo sou espas sa yo.
N ap denonse Gouvènman Ayisyen yo, patikilyèman rejim PHTK a, jis nan 4triyèm vèsyon li ak Premye Minis defakto Ariel Henry ak tout alye li yo, ki ap aplike yon seri politik antipeyizan, antipèp, ki ap kore gwo zouzoun kapitalis, politisyen kowonpi, bandi ak zam pou yo kapab kouri dèyè peyizan yo sou tè agrikòl yo, yon fason pou kraze pwodiksyon nasyonal la, detwi byodivèsite peyi a, epi detwi tout kapasite peyi a genyen pou li konstwi dwa granmoun li nan zafè lamanjay.
N ap reyafime volonte fèm nou genyen pou kontinye batay san pran souf pou dwa granmoun Pèp yo nan zafè lamanjay, pou yon modèl agrikilti peyizan familyal agwoekolojik, pou refòm agrè popilè entegral epi aplikasyon Deklarasyon Nasyonzini sou dwa peyizan fanm kou gason ak tout moun kap viv nan milye riral (UNDROP). N ap reyafime volonte fè m nou pou kontinye batay pou valorize pi plis enpòtans fanm peyizàn yo nan chèn pwodiksyon nasyonal la.
Nou pran angajman pou nou limen flanm mobilizasyon an tout kote nan peyi a, sitou nan rejyon Nò, Nòdès, Plato Santral, nan Latibonit, (sitou nan Sen Michel Latalay) ak lòt ankò, kote peyizan yo ap sibi tout kalte vyolans paske y ap defann tè yo, ki se lavi yo.
Tout òganizasyon ki prezan jodi a, nou deside kanpe anfas deblozay sa yo epi defann dwa peyizan yo genyen pou jwenn tè pou yo travay e kontinye pwoteje lavi ak lanati.
N ap mande liberasyon prese prese epi san kondisyon kanmarad nou yo ki nan prizon jouk jounen jodi a, apre bandi ak zam ki gen nan tèt yo Estime Saint-Juste (ansyen vis-delege PHTK) fin kidnape yo epi mennen yo nan komisarya polis. Krim yo repwoche peyizan sa yo se paske yo leve kanpe kont dappiyanp dechèpiyè yo ap chache fè sou tè yo nan Prevwayans (yon koloni agrikòl ki tabli depi 1937 e ki garanti apati dekrè septanm 1939) ak lòt zòn tankou Pitobè (Plenn Maribawo). Fòk yo libere yo san pèdi tan e fòk fanmi yo jwenn dedomajman pou tout enjistis yo fè yo.
Nou pran desizyon KANPE MIN pou kreye yon kad favorab pou devlopman agrikilti peyizan agwoekolojik la, epi pwoteje lavi ak espas travay nan kominote yo.
N ap mande INARA pran responsablite li pou li kapab mete an aplikasyon tout desizyon ki pran nan avantaj peyizan yo pou garanti dwa yo sou tè yo okipe yo, kit se nan koloni agrikòl yo, kit se nan kad pwosesis refòm agrè a.
Nou pran angajman pou fòse Leta ayisyen elabore epi mete an aplikasyon bon jan politik piblik ki garanti yo pran ankont tout revandikasyon peyizan yo ki enskri nan Kaye Nasyonal Revandikasyon peyizan yo, ki se zouti batay peyizan yo.
Tout òganizasyon, tout estrikti ki patisipe nan 2 jou mobilizasyon sa yo, pran angajman pou pote kole nan tout mobilizasyon, tout inisyativ MOPDES, KPSKBM, Tèt Kole Ti Peyizan Ayisyen, MPP, ak lòt aktè ankò ap pran nan rejyon Nò, Nòdès ak Plato Santral, ak tout lòt kote peyizan ap batay jiskaske revandikasyon peyizan yo jwenn repons.
Viv Batay peyizan Prevwayans ak tout lòt k ap sibi zak vyolans ak dappiyanp!
Aba zòn franch ! Aba eksplwatasyon min !
Viv solidarite ant tout òganizasyon ki pare pou defann dwa travayè peyizan pou yo jwenn tè pou yo travay ak tout lòt dwa yo genyen !
Viv batay pou yon chanjman total kapital nan peyi a.
Viv yon agrikilti peyizan agwoekolojik.
Jistis klimatik la dwe fèt kounye a menm!
Viv Ayiti!
Òganizasyon ki siyen nòt sa:
Mouvman Peyizan pou Defann Enterè Savanolèt (MOPDES)
Kòdinasyon Peyizan Seksyon Kominal Ba-Maribawo (KPSKBM)
Platfòm Ayisyen k ap Plede pou yon Devlòpman Altènatif (PAPDA)
Tèt Kole Ti Peyizan Ayisyen (TK)
Mouvman Peyizan Papay (MPP)
Solidarite Fanm Ayisyen (SOFA)
Kolektif Jistis Min (KJM)
Platfòm Òganizasyon Ayisyen Dwa Moun yo (POHDH)
Sosyete Animasyon ak Kominikasyon Sosyal (SAKS)
Enstiti Kiltirèl Karl Levèque (ICKL)
Pou Otantifikasyon:
Wilnaire DESARMES, MOPDES (+509 3316-0070)
Guillaume Antoinéus JOSAPHAT, KPSKBM (+509 4358-9299)
Tania MERILIEN, SOFA (+509 3849-2692)
Camille CHALMERS, PAPDA (+509 3837-1899)
Origène LOUIS, TK (+509 3786-8573)
L’Institut Culturel Karl Lévêque (ICKL) dispose d’une bibliothèque prête à accueillir le public. Celle-ci propose aux chercheurs/ses, enseignant.e.s et étudiant.e.s plus de 1,500 ouvrages de diverses disciplines (la politique, la philosophie, l’histoire, la psychologie, la sociologie, la littérature, l’économie, les sciences naturelles…). Elle renferme aussi plusieurs collections de journaux de plus de quarante ans.
La Bibliothèque Karl Lévêque (BKL) se veut être un lieu d’apprentissage à travers des livres, des échanges et d’autres ressources qui développent la culture générale ainsi que la réflexion critique.
La BKL est ouverte du lundi au vendredi, de 10h00 AM à 2h00 PM, sauf les jours fériés et pendant le congé du personnel de l’institut.
L’accès à la bibliothèque est gratuit.
Pour l’instant, les livres doivent être consultés sur place.
Notons que la Bibliothèque Karl Lévêque est l’un des services offerts par l’ICKL.
Nou menm, òganizasyon peyizan, òganizasyon fanm, òganizasyon popilè ak òganizasyon jèn nan 4 depatman ki nan gran Sid la, nou te reyini nan dat 30 ak 31 me nan twazyèm seksyon Labòd ki nan komin Okay pou brase lide sou tèm « Mwayen patisipasyon sitwayen yo nan politik peyi a : teren batay ak rapò fòs ». Gwo rankont pataj eksperyans ak brase lide sa fèt nan kad Inivèsite popilè ICKL, ITECA, PAJ, PAPDA, SAKS ak SOFA ap òganize nan peyi a. Pandan 2 jou sa yo, gen yon ventèn òganizasyon ak rezo òganizasyon nan 4 depatman gran Sid la ak nan komin Tigwav ki te prezan nan rankont sa. Atelye sa a te pèmèt nou reflechi sou sitiyasyon peyi a, reyalite batay la ak aktivite ekonomik peyizan yo ap mennen sou teren an.
Ansanm pataj eksperyans ak refleksyon nou fè yo pèmèt nou konstate :
Pou tout rezon sa yo, nou menm òganizasyon sila yo ki nan gran Sid la, nou pran angajman pou nou travay ansanm pou nou kontinye batay pou wete peyi a nan sitiyasyon atè plat « kominote entènasyonal » la ak boujwazi a mete l la.
Nou pwofite okazyon sa a pou nou voye yon gwo kout chapo pou popilasyon an nan divès zòn nan peyi a ki leve kanpe pou dechouke ganng ak sapat yo.
Nou mande popilasyon an nan kat kwen peyi a ak nan dyaspora a, kontinye leve kanpe pou dechouke ganng gwo babin ki nan boujwazi a ak nan tèt Leta a ki nan tete lang ak ganng ak sapat yo.
Pise gaye pa kimen ! Viv bonjan inite nan kan pèp la !
Òganizasyon ki siyen deklarasyon sa a :
| Sid | – Platfòm Òganizasyon Peyizan Baradè Kavayon / POPBAK
– Rezo Òganizasyon Peyizan Dori (Manich) – Konbit Peyizan Ilavach / KOPI – Mobilizasyon Peyizan San tè Sid / MOPSATES – Mouvman Pou Libète ak Byennèt / Moun LIB – Òganizasyon Lave je Koray Anri (Senlui) / OLAJEKA – Konbit Popilè Aksyon Sid / KPAS – Coordination des Organisations Pour le Changement de Cavaillon / COCC – Rasanbleman Fanm pou Pwomosyon Awondisman Aken / RAFPAA |
| Grandans | – Fwon Patriyotik Popilè / FPP-Grandans
– Solidarite Fanm Ayisyèn / SOFA-Grandans |
| Nip | – Rezo Òganizasyon Peyizan Baradè / ROPEB
– Kwòdinasyon Òganizasyon Rejyonal Nip / KORENIP – Konbit Peyizan Nip / KPN |
| Sidès | – Kwòdinasyon Rejyonal Òganizasyon Sidès / KROS
– Rezo Òganizasyon Marigo – Solidarite Fanm Ayisyèn / SOFA-Sidès – Viv Espwa Pou Devlopman Kapwouj / VEDEK |
| Tigwav | – Rezo Òganizasyon Tigwav |
Pou otantifikasyon :
